સુરત, ઓગસ્ટ 2026:સંગઠિત ઈવેન્ટ મેનેજમેન્ટ અને વેડિંગ પ્લાનિંગ ઉદ્યોગ હજુ પ્રમાણમાં નવો છે. ઈવેન્ટ મેનેજર્સ, પ્લાનર્સ અને આ ઉદ્યોગ સાથે સંકળાયેલા અન્ય વ્યાવસાયિકો પોતાની નિપુણતા અને અનુભવના આધારે સતત નવા કોન્સેપ્ટ્સ, ડેકોર અને સિસ્ટમ્સ વિકસાવી રહ્યા છે તથા પોતાના કાર્યમાં નિયમિતપણે સુધારા કરી રહ્યા છે. જોકે, ઉદ્યોગની બહારના બહુ ઓછા લોકો આ ક્ષેત્રમાં થઈ રહેલા વિકાસ અને પરિવર્તનથી પરિચિત છે. સામાન્ય રીતે લોકો વેડિંગ બિઝનેસથી વધુ પરિચિત છે, જ્યારે અન્ય પ્રકારના ઇવેન્ટસ વિશે પ્રમાણમાં ઓછી જાણકારી છે.
પરંતુ હવે આ ઉદ્યોગમાં મોટું પરિવર્તન આવી રહ્યું છે. કંપનીઓ અને વ્યક્તિગત પ્રોફેશનલ્સ વધુ કાર્યક્ષમ, પ્રોફેશનલ અને ટેક્નોલોજી આધારિત બની રહ્યા છે. કોમનવેલ્થ ગેમ્સ જેવા મેગા ઇવેન્ટ્સ અને સંભવિત રીતે ઓલિમ્પિક્સ જેવા આંતરરાષ્ટ્રીય સ્તરના ઇવેન્ટ્સ પણ હવે ગુજરાતમાં આવી રહ્યા છે.
આવા સજોગોમાં, 13 વર્ષ જૂનું આપણું ઇન્ડસ્ટ્રી એસોસિએશન SGEMA (South Gujarat Event Management Association) પોતાના 340થી વધુ સભ્યોને એકબીજાની નજીક લાવવા અને સાથે મળીને કામ કરવાની તકો ઊભી કરવા માટે નિયમિતપણે વિવિધ કાર્યક્રમોનું આયોજન કરે છે.
SGEMA સતત ઈવેન્ટ પ્રોફેશનલ્સ, સર્વિસ પ્રોવાઇડર્સ, આર્ટિસ્ટ્સ, પ્રોડક્શન હાઉસિસ, હોસ્પિટાલિટી પાર્ટનર્સ, વેન્યુ ઓનર્સ તેમજ આ ઉદ્યોગ સાથે સંકળાયેલા વિવિધ સ્ટેકહોલ્ડર્સને એકસાથે વાવવા, તેમને શિક્ષિત કરવા, જોડવા અને સશક્ત બનાવવા માટે કાર્ય કરે છે. સાથે જ, સમગ્ર ક્ષેત્રને વધુ પ્રોફેશનલ અને સુવ્યવસ્થિત બનાવવાની તથા તેના વિકાસને વેગ આપવાની દિશામાં પણ સતત પ્રયાસ કરે છે.
ગત વર્ષે SGEMA દ્વારા EVOIVE નામે એક મેગા કોન્ફરન્સની શરૂઆત કરવામાં આવી હતી, જેને ખૂબ સારો પ્રતિસાદ મળ્યો હતો. દેશભરમાં જાણીતા વક્તાઓએ સુરતના ઇવેન્ટ ઇન્ડસ્ટ્રીના પ્રોફેશનલ્સ સાથે પોતાના જ્ઞાન અને અનુભવો શેર કર્યા
આ વર્ષે EVOLVE 2.0નું આયોજન 16 ઓગસ્ટના રોજ Advaitaa Banquet Hall ખાતે કરવામાં આવી રહ્યું છે. આ વર્ષે કાર્યક્રમનો વ્યાપ અને કદ અગાઉ કરતાં વધુ મોટું છે. કોન્ફરન્સમાં ભાગ લેવા માટે એટલા બધા જાણીતા સ્પીકર્સ ઉત્સુક હતા કે કાર્યક્રમને બે દિવસનો કરવાની શક્યતા પણ હતી. જોકે, લોજિસ્ટિક્સ સંબંધિત પડકારોને કારણે આ વર્ષે પણ કોન્ફરન્સ એક દિવસની જ રહેશે.