પિતા-બાળકો સાથે મળીને કર્યો યોગાભ્યાસ, રમતો, ડાન્સ અને પિકલબોલ જેવી પ્રવૃત્તિઓમાં ઉમંગભેર જોડાયા
સુરત. વ્હાઇટ લોટસ ઇન્ટરનેશનલ સ્કૂલમાં ફાધર્સ ડે અને આંતરરાષ્ટ્રીય યોગ દિવસની ભવ્ય ઉજવણી કરવામાં આવી હતી. કાર્યક્રમમાં મોટી સંખ્યામાં પિતાઓ અને તેમના બાળકો ઉપસ્થિત રહ્યા હતા. યોગ, રમતો, ડાન્સ અને વિવિધ મનોરંજક પ્રવૃત્તિઓ દ્વારા પિતા અને બાળકો વચ્ચેના સંબંધોને વધુ મજબૂત બનાવવાનો પ્રયાસ કરવામાં આવ્યો હતો.
કાર્યક્રમની શરૂઆત યોગ સત્રથી કરવામાં આવી હતી, જેમાં પિતા અને બાળકોએ સાથે મળીને યોગાભ્યાસ કર્યો હતો. આ દરમિયાન શારીરિક તંદુરસ્તી, માનસિક શાંતિ અને સ્વસ્થ જીવનશૈલીનું મહત્વ સમજાવવામાં આવ્યું હતું. ત્યારબાદ યોજાયેલી વિવિધ રમતો, ડાન્સ સત્રો અને પિકલબોલ પ્રવૃત્તિઓમાં પિતાઓએ બાળકો સાથે ઉત્સાહપૂર્વક ભાગ લીધો હતો. સમગ્ર સ્કૂલ કેમ્પસમાં આનંદ અને ઉત્સાહનો માહોલ જોવા મળ્યો હતો.
આ પ્રસંગે સ્કૂલના પ્રિન્સિપાલ પૂર્વિકા સોલંકીએ જણાવ્યું હતું કે પિતા માત્ર વાલી જ નહીં, પરંતુ બાળકના પ્રથમ માર્ગદર્શક, મિત્ર અને પ્રેરણાસ્ત્રોત હોય છે. જ્યારે યોગ જીવનમાં અનુશાસન, સંતુલન અને આંતરિક શાંતિ લાવે છે. બંને પ્રસંગોની સંયુક્ત ઉજવણીનો હેતુ બાળકોમાં પરિવાર પ્રત્યેના મૂલ્યો વિકસાવવાનો તેમજ સ્વસ્થ જીવનશૈલી માટે પ્રેરણા આપવાનો છે.
તેમણે ઉમેર્યું હતું કે સ્કૂલમાં શિક્ષણ માત્ર અભ્યાસ પૂરતું મર્યાદિત નથી, પરંતુ વિદ્યાર્થીઓના વ્યક્તિત્વ વિકાસ, પારિવારિક મૂલ્યો અને જીવનભર યાદ રહી જાય તેવી ક્ષણોનું સર્જન પણ એટલું જ મહત્વનું માનવામાં આવે છે.
કાર્યક્રમના અંતે તમામ પરિવારો ખુશી અને યાદગાર સંસ્મરણો સાથે પરત ફર્યા હતા. શાળા પરિવારે જણાવ્યું હતું કે આવા કાર્યક્રમો પરિવારના સંબંધોને વધુ ગાઢ બનાવવાની સાથે બાળકોમાં આત્મવિશ્વાસ અને સ્વસ્થ જીવનશૈલીના સંસ્કા